Page 99 - Crisis 11
P. 99
Ausencia 1
en ista nuei que heba á estare de nusatros
en un menuto se me son muertas mil estrelas
que amagadas n’as mans entre carrachinas marinas tenebe pa ofrir-te-las
como un tresoro e cubrir-te o peito de mar luz algas e nácar
mas ai cucas de luz que solencas espiritan totas se son amortadas
cuan o tuyo silencio feridera dalla esmolada
ha tallau o tiempo en dos n’o momento en que o
reloch siñalaba las diez perdiu sin sentiu buedo
d’alma e cuerpo me soi quedau como paxaro
enlucernau entre uembras aguardando que una
parola de tu fuego n’as orellas esbotase tanto
duelo
Cosa aspero
se zarra o cerclo que a tuya ausencia debuixa cerclo de metralla e fuego
ocupo lo centro
cosa no en queda d’ista diada que espirita e con as mans buedas o día nuevo recibo
sobre papel con agulla prenida como pilazana disecada remane o tuyo riso
a tuya gollada luz de maitins se ye amortada como cuca de luz que s’auside á l’alba
a tuya voz sonoro remor de viento entre árbols ye agora canto de mortichuelo
ocupo lo centro
e en iste menuto que s’alargue dica estar cadena mil armiellas me siento preso
99
